Ralkap Ihsin CDM Ih Lut Chinpa Le A Innsang In Harsatnak An Tong

Kayin State, Hpa-an khua, 202nd Battalion ih ralkap ṭuanlai pacang cu ralkap cozah duh loin April thla, Kawl titawih puai hlanah CDM ah a lut ih a innsang pawl thawn khua dangah an tlan.

A nupi le a fate 3 thawn khua dangah an relh. Chinmi a si ih Tedim khuami a si, Chinram sungah doawknak a thleng ruangah an tlung ngam lo ih khuitawk an feh ding ti khal an thei lo.

Thla 2 sung an relh zo ih hmunhimnak ah an um hrih lo ruangah buainak phunphun an tong, an nunnak hrang khalah a ṭihnung.

“Ralkap ihsin ka tlansuak zo ih va kirsal ding cu a theih lo. CRPH ih humhimnak ngah dingin online ihsin ka pehtlaih tum nan kan pehtlaihaw thei lo” tin May 26 zanlam ah RFA Burmese thuthang hnenah a sim.

An relhnak khua khalah harsatnak an tong ih an innsang hrangah a thinphang thu a rel. “Khua pakhat ah ka nupi le fanau 3 thawn kan relh, humhimnak in petu ding pawlkom asilolen CRPH vek pawlkom hnuai ih humhimnak ah kan um duh” a ti.

RFA hnenah a hmin, an umnak le ralkap a sinak number pawl a sim thluh nan hmunhimnak ih an um hrih lo ruangah le an sahimnak hrangah tin an tarlang lo.

Be the first to comment

Leave a Reply

Your email address will not be published.


*