Ralkap In A Pum Ah An Kap Ih A Sungril A Pawt, Ralkap In An Phum Cih

Mandalay, Kyaungpandaung khua, Aung Mingalar vengsung ih um Ko Thaw Thaw (B) Thaw Zin cu ralkap pawlin a pum ah an kap ih a thi hnuah ralkap pawlin an phum cih.

Ko Thaw Thaw le a rualpi 2 cu June 4 zan nazi 8:02 ah bike thawn lam an leng, an lamleng lai cu fimthiamnak zung ih umhmun khuar ralkap pawlin an rak kap ciamco ih Ko Thaw Thaw ih pum ah an kap ngah.

A rualpi 2 khal ralkap pawlin an vel ciamco ih an kai, Ko Thaw Thaw ih ruang cu ralkap pawlin an la.

Kyaungpandaung khua upa pakhat in “Ko Thaw Thaw cu a pum ah an kap ngah ih a sungril pawl a pawt ih ralkap pawlin an thiar.

A bike topi minung 2 khal an kai ih khuitawk hmun ah an ret ti kan thei hrih lo, zingpit ah Ko Thaw Thaw ih innsang pawl an ko ih a ruang cu ralkap pawlin an phum. Kan khuasen in kan riah a sia tuk” a ti.

Be the first to comment

Leave a Reply

Your email address will not be published.


*