Ralkap In An Bike Mawng Lai An Dum Ih An Kap That Hnuah An Ruang An La

Shan State, Shwe Nyaung le Nyaung Shwe lamzin tonawknak ah ralkap pawlin mino 2 an kap that ih an ruang an la.

June 5 zan nazi 8:00 hrawngah Ko Thein Naing, Thant Sin Aung le Khine Zaw Win cu bike thawn an phuraw ih lam an leng. Ahmat 222 ih ralkap umhmun khuarnak an thleng hnuah ralkap pawlin motor thawn an rak dum cih.

Meithal in an kap ciamco ih Ko Thein Naing le Thant Sin Aung cu a hmun ah an thi. Khine Zaw Win khal napin an vel ih an kai. Mithi ruang 2 cu ralkap pawlin an motor sungah an ret ih tuitiang an innsang pawlin an la thei hrih lo.

Vengsung mi pakhat in “Hi thil a thleng hlanah motor ke puak awn vek, bomb puak awn vek kan thei. Ralkap pawl cu ralringten an rak um laitak ah Ko Thein Naing, Thant Sin Aung le Khine Zaw Win tei rualvah thum in bike an rung mawng. Ralkap pawlin an ding duh lo ruangah kan kap an ti” tin media hnenah a sim.

An kaihmi Khine Zaw Win ih dinhmun khal a se tuk ruangah a innsang pawl cu thinphang mangbang in an um rero lai.

Be the first to comment

Leave a Reply

Your email address will not be published.


*