Ralkap In An Inn Ih Relh 505 Thubuai Orh Lai Kai Dingin An Va Feh Ih Midang An Kap, Inntek Nu Khal An Kai

Pyay khawpi, Ywar Bae veng sung Pyay Yadanar lamzin kap ih um inn pakhat ah 505 thubuai orh lai mino pakhat a relh ti an thei. Hektu anei si men thei, an innsung ah mino dang khal an rak relh.

Ralkap motor 3, palik motor 3, khuasung motor 4, bike 4 le vengsung upa pawl telin an inn ah an feh, innleng lam ihsin an hringhro ciamco hnuah meithal in an kap.

Inn par ihsin dawt mino pakhat cu a keruk a kiak ih a tlan thei nawn lo, ralkap in sangka in on duh lo ruangah tin meithal in an kap bet ih an kai. Mithmutu in ralkap pawlin thinlung phurnak (hursii) le tidai rawimi palang an keng a ti.

An kaih tummi an kap ih an kap ngah lo, a kiangih um mino pakhat an kap ngah hnuah inn sungah an lut ih an thilri bungrua pawl an siatsuah sak thluh. An duhduh thilri an la ih bike 7 le phone 6 khal an laksak, inntek nu cu mikhual hmin cazin na pek lo ruangah tin an kai.

Be the first to comment

Leave a Reply

Your email address will not be published.


*