Ralkap In An Kaih Hnu Ni 3-Nak Ah A Thi Tin An Inn Kiltu Ralkap Pawl Hnenah An Sim Thei

Bago Division, Pyay khawpi hi tulai Myanmar ramsung ah buai nasa zet pawl an si, ralkap le palik khal an hrang zet. An ramsung ah bomb puak thuhla theih ding aum ringring.

May 19 sunah mipa 4 an kai ih tuahcop bomb puahtu tin thubuai an orhter thluh. Aung Khaing ih fapa Ko Tun Latt cu an hrem nasa tuk ruangah a thi ih May 22 zanlam nazi 6:00 ah a thih thu cu an inn kiltu ralkap pawl hnenah an sim.

Ralkap pawlin an kaih hnuah an inn cu an kil ringring, an innsang zaten ih phone khal an lonsak thluh.

Ralkal pawlin an inn an kil ringring ruangah a pa Aung Khaing khal inn ah a tlung ngam lo ih hmun dang ah a relh. An inn sungah hringtu a nu lawng aum ih Ko Tun Latt ih ruang cu ziangtin an tuah ding ti cu theih a si hrih lo.

Be the first to comment

Leave a Reply

Your email address will not be published.


*