Ralkap In An Kaih Lawk Mi Nauhak Kum 5 Mi Cu Ramlak Ah Training Kai Pawl Hrang Hnakphek A Phawm Rero

Pyin Oo Lwin District, Mogok khua ih um nauhak kum 5 mi Suh Htat Win cu ralkap pawlin a pai aiah an rak kai lawk. Hringtu a pa U Soe Htay cu tuiṭum dothlennak ih a tel ruangah ralkap pawlin kai dingin an inn ah an va feh ih arak um lo ruangah a nupi le a fanu 2 an kai.

A fanu kum 5 mi Suh Htat Win cu an suahsal, a nupi le a fanu upatu cu kum 3 sung thawngtla dingin an thu an ṭhencat ih Mandalay, Oh Bo Prison ah an khum.

Nauhak Suh Htat Win in thawnginn sung a hardan pawl cu lenglam mipi hnenah a sim thei, rawlei ding khopkhamten an pe lo ih ekinn sung tidai in tak a kolh ṭheu thu pawl a sim. Tu’ahcun hringtu a pa in a hnenah a hruai zo ih ramlak ah an um.

A pa le mipi ralkap pawl ih ei ding hnakphek a phawm rero lai zuk cu a pa in a tarlang ih online mipi pawlin an lawm zet. U Soe Htay in a nupi le a fanu upatu cu thawnginn sungih an um lai ruangah tuiṭum dothlennak ah thih ngam in raldo a man thu a rel. Myanmar san thuanthu ah U Soe Htay tei innsang cangvaihnak cu a dai nawn lo ding.

Be the first to comment

Leave a Reply

Your email address will not be published.


*