Ralkap In An Kaihmi Bike Pawl An Zuar Sal

Thuneihnak latu ralkap pawlin Yangon ramsung ah bike tam zet an rak kai zo. Lakphak dawr hmai le bazar kiangkap ih an hmuhmi bike cu an la vivo, bike neitu in “Ziangti so ih?” tin an rak sut asilen “Kan kai” ti lawng an sim.

An bike lakmi pawl cu an hmeltheih bike puaisa pawl hnenah an zuar sal. July 2009 ihsin Yangon ramsung hmun ṭhenkhat ah cozah in kehnih nei (bike) mawng an rak siang nawn lo nan mipi ih ṭulhaimi a si ruangah an mawng rero thotho.

Hmin tarlang duh lo, ralkap hmeltheih puaisa pakhat in “Bike mawng an siang lo ih an kai asikhallen felfaiten kai ding an si. Tu cu an kai ih paisa an va pe asilen an rak pesal, an kolmi bike pawl cu an zuar sal.

A san aum lo tuk, puaisa pawlin bike dawr ah an va zuar ih a man cu a bangaw lo. Bike ṭha pawl cu mankhung zetin an zuar, an kaihmi bike cu a tam ngaingai. An kai ih an zuar rero, an sumdawngnak pakhat ah a cang zo” a ti.

Be the first to comment

Leave a Reply

Your email address will not be published.


*