Ralkap In An Kaihmi Sinak Thlengaw Pawl An Hremdan Cu A Rapthlak

Myanmar ramsung buainak ah sinak bang kopaw, sinak thleng danglam awtu (LGBTIQ) pawl khal lamzawhnak ah nasa zetin an rak telve. LGBTIQ pawl cu nunau sisi mipa ih tuahaw, mipa sisi nunau ih tuahaw, sinak bangaw ih kopaw pawl an si.

Minung 73 an kai zo ih 12 cu an hrem that, 28 cu kaih an tum ruangah hmun dangah an relh lai. LGBTIQ an kaihmi pawl cu mipa-nunau-nak lam khalin an puahcok nasa.

Myingyan le Bago ih an kaihmi mipa nunau ih thleng danglam aw pathum khal an puahcok nasa tuk ruangah an dinhmun a ṭha lo ti a si. Yangon ih an kaihmi nunau ih thleng danglam aw kum 50 mi in a thilton mi pawl a phuangsuak.

“Kan dunglam, kan lu le kut ah in vua, taklawng in in umter ih khuk in bilter ringring. An kuak meisa cu kan pawhte hmur ah an nawt hnuah cahnah an ben. Kan tawkua ah palang an thunlut ṭheu, hnisuak capoh sainak ah in hmang ringring. An ihzik zawngah butlak vekin in umter ṭheu’ a ti.

An kaihmi LGBTIQ pawl lakah damlonak phunphun nei an um, HIV nei tivek khal an um nan ralkap hnenah an sim ngam lo. An damlonak ruangah siivai ei an ṭul ringring nan ziang siivai khal ei thei loin an um thu theih a si.

Be the first to comment

Leave a Reply

Your email address will not be published.


*