Ralkap In An Lu Ah An Kap Hlanah A Neta Bik Ziang Nan Tuah Duh An Tiih Kutzung Pathum Tung In “Ralkap Cozah Kan Duh Lo” Tin An Langter

Tuizing September 11 zinglam ihsin ralkap pawl ih an kaihmi mino 2 kutzung pathum tung lai zuk cu online par, hmuntinkim ah a darh ciamco. Kayin State, Sanpiah peng 6-nak ih um mino an si ih kum 17 mi le kum 18 mi an si.

An hmin cu Fidelle (ဖီဒေးလယ်) le Pascalle (ပါစကွားလယ်) an si. Tualsung mi pakhat in, “Kan dung September 9 sun ah ralkap pawlin an kai, a kaitu ralkap cu 102nd Brigade pawl an si. Ramlak ah raltlan in an relh, mani sun ah khuasung dinhmun zoh dingin an va tlung ih an rak kai.

Ziangtin an zuk hi online parah a putsuak thei ti hi mak ka ti tuk ih ka ruat rero lai. Karen, Sanpiah peng 6-nak ih um mino an si” a ti. Anmah hi mipi kilhimtu khal an si lo, khuasung mi pangai an si.

Ralkap in an an kap that hlanah, “Nan caan neta biknak ah ziang nan tuah duh?” an tiih ziang dang khal rel loin an kutzung pathum an tung ṭento. Mino pakhat ih an sungkhat in, “Ralkap pawlin an that veve zo” tin online parah a tarlang.

Be the first to comment

Leave a Reply

Your email address will not be published.


*