Ralkap In An Thuthang Ah Covid-19 Tin Phuang An Siang Nawn Lo, Kawlca Rori “ကိုဗစ်-၁၉” Tin An Phuangter

Covid-19 natsia in Myanmar mipi pawl a nuai ciamco ih damlo le mithi an tam zet zo. Covid-19 thlisia aveikhatnek le a veihnihnak lai ahcun ralkap thuthang ah mirang aw suak vekin Covid-19 tin thuthang an phuang ṭheu.

Thla 18 sung cu mirang awsuak vekin Covid-19 tin thuthang an rak phuang, Covid-19 aveithumnak ahcun mirang cafang an hmang duh nawn lo ih ကိုဗစ်-၁၉ tin thuthang an suah/phuang.

Myanmar mipi pawl cun mirang ca Covid-19 cu Kawlṭong in an siar tikah ‘Covid Nehnak‘ tin a san danglam in a suak ruangah an thleng a si ding ti an zum. Himi thuhla ah ralkap kuthnuai ih thuphuangtu pakhat an sutfiah nan ṭhaten arak sim duh lo.

“Ahlan khalah Kawlṭong le Mirang ṭong in kan rak phuang rero zo. Asinan Myanmar mipi hrangih thuphuang kan si vekin Kawlṭong rori ih phuang hi a remcang sawn tin ka ruat. Thildang aum lo” a ti.

Kut-rin zohthiam hminthang Tin Htut in “Thuneihnak latu pawlin ziangruangah ṭongfang an thleng ti cu ka thei ve lo. Asinan ṭha ka ti sawn, Kawlṭong ih ကိုဗစ်-၁၉ ih a san cu Covid-19 cangvai thei lo tinak a si” a ti.

Be the first to comment

Leave a Reply

Your email address will not be published.


*