Ralkap In Anmah Ralkap Mithi Ruak 17 Cu Lamzin Kap Ah An Hlon

Shan State, Mong Ko Township, Namhu le Rikku khua fehnak lamzin pial ah ralkap pawlin an milesa mithi ruak 17 an hlon thu Augsut 31 zing ah theih a si.

Hi ramsung ah Kachin ralkap KIA le MNDAA pawl an komaw ih thuneihnak latu ralkap pawl an do rero lai, tunaite khalah nasa zetin an doaw ciamco ih ralkap lam mithi le hliamtuar an tam zet.

Tuiáš­um ih an hlonmi ralkap thi pawl cu ziangtik doawknak ih thi ti theih a si lo. Ralkap pawl daan ah ralram ih thi an rualpi ih ruak cu innlam ah tlunpi tengteng ding ti aum nan Myanmar ralkap pawl cun an rualpi mithi ruak khal an ngaihsak nawn lo.

Kiangkap mi pakhat in “Ralkap ruak cu 17 a si, ziangtik doawknak ah an thi ti cu kan thei lo. An kiangah motor sungah khuasung mi nufa thi khal kan hmu, ralkap pawlin mithi ruak an hlon laiah an va feh ih an kaa huppit saknak ah an kap that a si ding ti kan zum” a ti.

Be the first to comment

Leave a Reply

Your email address will not be published.


*