Ralkap In Baptist Church Hmin Ih Mibawmtu An Kap That

June 11 sunah ralkap in Kayah State, Dimoso ramsung ih khua pawl an kap ciamco. Sniper le pukpi thawn an duhduhnak zawng ah an kap ciamco ih mithi le hliamtuar khal an um hnuaihni.

Ralkap pawl ih bomb in mibawmtu U Aye Shwe a tlak ngah ih a thi, U Aye Shwe cu Baptist Church thawn hnaṭuan tlangin raltlan le miharsa pawl an bawm ṭheu.

An sungkhat in “Zanlam ah Tatmadaw’s Ngwe Taung 102nd Battalion sakhan ihsin khuate pathum an kap ciamco, cutawk ah U Aye Shwe cu an kap that. U Aye Shwe cu Daw Ta Nge khua ah a thi, Daw Ta Nge khua cu Dimoso kiang ciah ah aum” a ti.

Dimoso ramsung ah ralkap pawl nasa zetin an cangvai rero lai, an duh tiktik ah meithal an hmet puak ṭheu. Inn le lo an siatsuah ih daan le dun nei loin an cangvai.

Be the first to comment

Leave a Reply

Your email address will not be published.


*