Ralkap In Bible Bungcang Hmangin Chin Mipi An Hringhro

Setan khalin Bible a by-heart thluh ih a duh naknak zawng la tahratin mi a kap, mi a bum tum ṭheu. June 5 sun ah Hakha ah bomb veithum a puak ih mipi kilhimtu Chin mino 3 an thi.

Cumi hnuah ralkap pawlin Bible bungcang hmangin Chin mipi pawl an hringhro. (Galati 6:7) “Milai cun an tuhmi vek cekci in an khawm ding” tin mual liamtu Chin mino 3 ih zuk thawn an tarlang ih hringhronak ca an ngan.

Lamzinkap ah ca cu an tar vivo, asinan a rei hlanlo mipi in an hlonhlo hngal. Ralkap pawl ih cangan mi “Awn na tummi ih awther cu na hnenah ara kirsal ding: June 5 sun ah Hakha ah bomb veithum a puak.

Chin nauhak pawl tlawngkai thei lo dingih bomb puakter tum CDF 3 cu bomb puaksual ruangah an thi, media khalah an tarlang rero zo. Midang parih thilṭha lo tuah tum cu an parah a thleng hngal.

Sualnak neilo mipi le nauhak parih thilṭha lo tuah tum pawl cu daiten um duh an miphunpi pawl khalin an dokalh. Neta khalah thilṭhalo tuah tum pawl cu nan parah ara thleng sal lohli ding. “Milai cun an tuhmi vek cekci in an khawm ding (Galati 6:7)” tin an tarlang.

Be the first to comment

Leave a Reply

Your email address will not be published.


*