Ralkap In Bomb An Kam Ih An Nupi Pawlin An Pal Puak

Kachin State, Waingmaw khua ih umhmun khuar 58th Infantry Battalion ralkap pawlin bomb an kam ih an bomb kammi cu an nupi pawlin an rak pal puak ruangah mi 3 an thi ih 2 in hliamhma nazet an tuar.

Waingmaw sakhan ih um ralkap pawl hi doawk an thiam tuk ruangah tlunlam an pule pawlin cawimawinak capi an rak pe zo. Sakhan ahhin ralkap innsang pawl an umkhawm, an ralring zet ih an rinlo laitakah an ral pawlin an ra do ding ti an phang ruangah an umnak kiangkap hrawngah bomb an kamcia thepthep.

An nupi pawl khalin an bom kammi thuhla cu an thei ko nan October 17 ah an palsual pang ih thihnak a thleng. Tualsung mi pakhat in “An sakhan kiangih hanghnah hangrah cinnak hmuan sungah an va feh ih an pasal pawl ih kammi bomb cu an palsual ruangah a hmun ah pathum an thi. Pahnih cu hliamhma nazet an tuar ih ralkap siizung ah an tlanpi” a ti.

Waingmaw ralkap sakhan ih um pawl hi an sual zet ih an duh tiktikah meithal an kap áš­heu ruangah khuasung mi khal an kap that zo. Curuangah khuasung mipi pawl cu kiangkap khua ah an va tlanlut ih an tlung ngam hrih lo.

Be the first to comment

Leave a Reply

Your email address will not be published.


*