Ralkap In Caw Rawl At Rero Lai Putar Kum 65 Mi An Kap That, A Sungril A Pawt

Sagaing, Khin Oo Township, MayanInn khuami putar kum 65 mi U Thar Aye cu November 13, 2021 zinglam ah ralkap pawlin a caw rawl at laiah an kap that.

Tualsung mi pakhat in “November 13 zinglam ah ralkap pawl cu kan khua ah an ra, ramlak lamzin ihsin an ra. Khuapawn ah caw rawl at lai U Thar Aye an hmu ih san um loin an kap that.

A pum ah an kap ngah ih a sungril khal a pawt. Lamzin ih an tong mi khuami pahnih khal an kai” a ti. U Thar Aye ih ruak cu November 13 zan nazi 9:00 hrawngah a caw rawl atnak kiangah an hmu.

Ralhrang pawl cu 30 hrawng an si ih khuasung inn le lo khal an siatsuah, inn į¹­henkhat an urkang ih an thilri bungrua pawl an laksak. Khuasung mipi pawl cu hmun dangah an tlan thluh, an kaihmi pahnih ih thuhla khal theih a si hrih lo.

Be the first to comment

Leave a Reply

Your email address will not be published.


*