Ralkap In Chin Mino 2 An Kap That

Falam peng, Zawl Nu khua ih um fala kum 19 mi Mai Nuam Za Thiang cu June 23 ah Kalaymyo ih um a nu hnenah ava feh. A zan nazi 9:00 hrawngah a rualpa Salai Ngun Nei Piang thawn an tlung lamah ralkap pawlin an rak kap ciamco.

Taungphila, Naypyidaw veng an thlen zawngah an rak kap ih Salai Ngun Nei Piang cu a hmun ah a thi.

Mai Nuam Za Thiang ih kawng ah an kap ngah ih hliamhma thawn ralkap pawlin an kai. Vengsung mipi pawlin meithal awn vei 4/5 hrawng an thei ih, a thaizing (June 24) ah Salai Ngun Nei Piang ih ruak an hmu.

Zinglam nazi 10:00 hrawngah ralkap pawlin Mai Nuam Za Thiang ih nulepa, sungkhat unau pawl hnenah a ruak ra la uh an ti. Cun, ralkap in Mai Nuam Za Thiang cu Covid-19 in a thi an ti, a innsang pawl cu zianghman ╚Ťong ngam loin an fanu ih ruak cu an la ih Covid-19 ih thi vekin an vuiliam.

Be the first to comment

Leave a Reply

Your email address will not be published.


*