Ralkap In Chin Mino An That Ih A Ruak An Urkang

Ralkap in Kalaymyo, Tat Oo Thida veng ih um sualnak nei lo pafa an kai ih a fapa cu ralkap kut sungah a thi.

June 25 zanlam nazi 3 hrawngah U Zaw Myint le a fapa Salai Van Tha Cung an kai ih June 26 sun nazi 2:00 ah Salai Van Tha Cung cu Covid-19 in a thi tin an innsang pawl hnenah an sim thei.

An sungkhat pakhat in “Ralkap pawlin Covid-19 in a thi an tiih a ruak zoh khal an siang lo. A innsang pawlin Christian daan vekin an vuiliam duh thu an sim nan an cohlang lo.

An rak urkang ih a ruhro cu thaisun ah ra la uh an ti. An kaih laiah ziang damlonak khal anei lo, damcak zetin an kai ih Covid-19 in a thi an ti” a ti. Kum 25 mi Salai Van Tha Cung (Kawlhmin: Ko Zaw Htet) cu innsak (ပန်းရံ) hnaṭuan a si, innsang member 4 an si.

Be the first to comment

Leave a Reply

Your email address will not be published.


*