Ralkap In Chin Rawlthar 4 An Kap That

Sagaing, Tamu, New Zalenphai@Naungket khua thar ih um Chin rawlthar 4 cu thuneihnak latu ralkap pawlin an kap that thu theih a si. Kum 15/16 mi hrawng cu lo hnaṭuan an si, Chin Kuki miphun an si.

Rawlthar minung 6 cu lo hnaṭuan ringring an si ih July 10 zarhte ni cu hnaṭuan cawl in Kyun Pin Thar khua ah an va leng.

Zan nazi 10:00 hrawngah an tlung ih lilawn kiang an thleng zawngah ralkap pawlin an rak kap ciamco hngal. Pahnih cu a hmun ah an thi cih, pathum cu hliamhma na zet an tuar ih ralkap pawlin an kai.

Pakhat cu himdamten a tlansuak thei, an kaihmi 3 lakah 2 cu an hliamhma tuar loin an thih thu theih a si. An kaihmi pakhat ah a pum ah an kap ngah ih July 12 sun nazi 12:00 hrawngah an suahsal ih an innsang pawlin an tuamhlawm rero lai.

Mithi 4 ih ruak cu tuini tiang an innsang hnenah a thleng hrih lo, ralkap ih an kahthat mi Chin rawlthar 4 ih an hmin cu Ngam Chin Pso, Dou Kho Lel, Mang gou le Pao Gin Mang pawl an si.

Be the first to comment

Leave a Reply

Your email address will not be published.


*