Ralkap In Dr.Zachhinga An Kap

May 26, 2021 zan nazi 9:15 pm hrawngah ralkap in Dr.Zachhinga an kap. Dr.Zachhinga cu Surgery Specialist a si ih Magwe siizung ih an transfer-nak khal a rei hrih lo, Magwe District Golf Competition zuamawknak ah a tel ih a tlunglam ah an rak kap.

Motor thawn a tlung ih ralkap pawlin an rak kap, a mit vorhlam an kap ngah ih a kuai, a ban vorhlam khalah an kap ngah. A hnaṭuannak Magway Teaching Hospital ah an phur hngal ih a hliamtuar a bese tuk ruangah Nay Pyi Taw siizungpi ah an tlanpi sal ih ICU ah an admit.

Tuamhlawmtu sibawi in “A vorhlam mit cu a sung, meithal mu in a thluak a dai ngah lo ruangah a nunnak cu a thlaphang um lo” tin a innsang pawl hnenah a sim.

A nupi nunau lam Specialist Doctor khal Rangon ihsin a pasal umnak siizung lampan in an tlanpi lai. Dr.Zachhinga cu 1994 kum ah Mandalay, Institute of Medicines ah MBBS ṭha zetin a zirsuak, 2004 kum ah post graduate degree M.Med.Sc (Surgery) a zirsuak sal.

Chinmi lakah Surgery Specialist hmaisabik a si, a pa cu Myanmar Democracy freedom fighter Ex.MP Pu Dothawnga a si. A farnu Ebenezer Siami khal MP veihnihnak a ṭuan lai, a unau lakih politician hminthang pawl cu Pu Zadawla B.Sc, Dr.Rodinga le Dr.Lalthanga an si. Dr.Dodinga cu Mizo Society of America khalah hruaitu a si.

Be the first to comment

Leave a Reply

Your email address will not be published.


*