Ralkap In Falam Lamzin Ah Mi 2 An That

October 11 ah Falam peng, Tuphei khuami pahnih cu ralkap pawlin an kap that ih October 13 ah lamzinkap ah an ruak cu hmuh a si. Ralkap in an thatmi pahnih cu fa 2 nei pacang kum 29 mi Pa Thawng Lun Mang le kum 34 mi Salai Thawng Nei Mawi an si.

Tuphei khuami in “Ke in Zawnglei khua lamah an feh, cutik laiah ralkap pawl khal Zawnglei khua ihsin Falam lamah an feh ve. A zan cu inn an ra tlung lo ruangah an innsang pawl cu an thinhar zet, ralkap pawlin an kai ih an hruai.

Manisun ah hawl kan tum nan ralkap pawl an um lai ruangah tuizing ah kan va hawl. Kalay ihsin Km 81 hlatnak 5th ban kiang, lamzin ihsin pi 2 hlatnak ah thisen kan hmu. A kiangkap hrawngah kan hawl ih lamzin kap ah Pa Thawng Lun Mang ih ruak kan hmu, a mit ah meithal kahnak hliamhma aum.

Cutawk ihsin hlanlo ah Salai Thawng Nei Mawi ih ruak arak um, anih cu a pum ah vei 4 an kap. A tir ahcun ruak hnuai ah bomb an kam ding ti kan zum ruangah kan la ngam lohli lo, sun nazi 12 hrawngah kan la ih an ruak cu phum hngal dingin RC Father pakhat in a tawlrel lai” a ti.

Ralkap pawlin an fehnak lamzin tluan ah meithal an kap vivo ruangah Zawlnu Baptist Church pastor leilet ih hnaŠĻ≠uan lai kum 15 mi Salai Sui Lian Thiang ih khuk ah an kap ngah ih hliam nazet a tuar. (Source: Zalen)

Be the first to comment

Leave a Reply

Your email address will not be published.


*