Ralkap In Falam Peng Sung, Pa Joshua An Thatdan Cipciar

August 12, 2021 sun ah ralkap le Kalay PDF pawl an doaw ciamco ih ralkap lam 3 an thi, Kalay PDF lamah mithi an um lo nan pakhat cu bomb puahnak hliamhma malte a tuar. An kahawknak cu Kalaymyo le Chin ramkulh ramri Natchaung, Hakhalay kiangkap ah a si.

Natchaung kiangih um Pamunchaung khuami Pa Joshua (kum 30) cu ralkap pawlin an kap that. Pamunchaung khua cu Natchaung-Webula lamzin kap ah aum.

Khuami pakhat in “Chuangkhuah lamah ava feh ih. Mipi kilhimtu (PDF) lamah Commondo kor hruh an rak um ve ruangah ralkap pawlin mipi kilhimtu ah an ruat ih an kai.

An kiangkap lo lakah khuasung mi pakhat arak um ih a hmu thluh, ralkap pawlin hridai thawn an tawn tum ih a duhlo ruangah an buai ih an vuak. Kap dingin a dil laitak ah a dunglam lu ihsin an kap ih a kaa ah cerek mu a tlang ih a kut khal an kap ngah cih.

Pa Joshua in fate 5 anei ih a nauhak bik cu thla 3 lawng a si lai. Zan khuathim tiang an kahawk lai ruangah tuizing lawngah a ruak an va la ih zinglam nazi 10:00 ah an vuiliam. Pa Joshua an kah thatnak hmun cu Chuangkhuah lang Kalay-Gangaw lamzin parih um Pamon lilawn kiangah a si” a ti.

Ralkap pawl cu hmun dangdang ah umhmun an khuar vivo. Tuisun August 13 sundir tiangah cun kahawknak aum hrih lo ti a si.

Be the first to comment

Leave a Reply

Your email address will not be published.


*