Ralkap In Hrilawknak Ding An Tawlrel, NLD Party An Hlonhlo Tum

Ralkap in Myanmar ramsung thuneihnak an la ih kumhnih sungah hrilawknak felfai kan tuah ding an ti. Myanmar ramsung hrilawknak thuhla rel dingin meeting veikhat an rak koaw zo.

Tuisun May 21, 2021 ah hrilawknak thuhla relsal dingin meeting a veihnihnak an koaw sal ih NayPyiTaw ah meeting an nei ih zinglam nazi 9:00 ah meeting an thok. Myanmar ramsung ih Party 91 an sawm ih zo pawl an tel ti cu theih a si hrih lo.

Asinan NLD, Shan Nationalities League for Democracy (SNLD), The Arakan National Party (ANP), Arakan League for Democracy (ALD) le Chin National League for Democracy (CNLD) pawl cu an tello.

Union Election Commission, Chairman thar U Thein Soe in “2020 kum hrikawknak ah NLD Party in diklo zetin an cangvai ih an cangvaihnak pawl cu kan zingzoi rero lai.

A rei hlanah vote cazin diklo pawl kan pholang ding, NLD party in rampi daan an pahbal ruangah kan hlonhlo a ṭul ih a sungṭuan pawl khal rampi phatsantu tin thubuai orhter thluh ding an si” a ti.

“Rampi daanpahbaltu NLD party cu ziangtin kan tuah ding? An party hi kan thiatbal ding maw, asilolen a sungṭuan pawl cu rampi phatsantu tin thubuai kan orhter thluh ding so? An thuhla cu kan zingzoi vivo ding” a ti.

Be the first to comment

Leave a Reply

Your email address will not be published.


*