Ralkap In Innsang Nubik An Kap That, Ralbawi Nupi Arak Si!

Karen State, Myawaddy ramsung ah thuneihnak latu ralkap pawl an hrang zet ih an hmuhmuh minung cu an kai ih an kap áš­heu. Mizan May 20 zan nazi 9:00 hrawngah nunau pakhat an kap that ih zo a si ti an thei lo lawk.

Myawaddy siizung an thleng hnuah ralbawi nupi a si ti an thei. A pasal Sergeant Zaw Ye Aung cu Myawaddy hrambun 275th Battalion ih an hotu bik a si. An kahthat mi a nupi Mazin Mar Phyu thawn fate, fanu fapa 3 an nei zo.

Vengsung mi pakhat in “Mithi ruang cu Myawaddy siizung ah an ret lai, a pasal cu 275th Battalion hotu Zaw Ye Aung a si ih duty in hmundang a fehsuak lai ih thilthleng a si.

Inn ara thleng hrih lo, a nupi hmin cu Mazin Mar Phyu a si ih a fate 3 a fehsan” a ti. Tuizing ah Mazin Mar Phyu hrang thlacamnak le hlunak an tuah.

Be the first to comment

Leave a Reply

Your email address will not be published.


*