Ralkap In June 1 Ihsin Nauhak Tlawngkai Ding An Ti. Falam, Hakha Le Kalaymyo Ah Tlawngkai An Um Lo

Thuneihnak latu ralkap pawlin ramsung buainak le Covid-19 natsia khal ruat loin Myanmar rampum huap nauhak pawl cu tlangkaiter an tum. Nauhak fimthiamnak an ruat ruangah a si lo ih thuneihnak an langter duh ruangah a si.

May 24 ihsin hmin pek theih an tiih hmin pe khal an um hnuaihni. Falam, Hakha le Kalaymyo khalah tlawngkai dingih hmin pe cu an um nan tlawngkai ding taktak June 1, 2021 sun ahcun tlawngkai an um cuang lo.

Tlawngkaitu nauhak an um lo ruangah tlawnginn pawl cu tawh an kalh thluh ih a thing reprep. Kalaymyo kiangkap ahcun ralkap le mipi kilhimtu pawl an doaw rero lai.

Mipi kilhimtu pawlin ‘Ralkap pawl umhmun khuarnak tlawnginn, siizung le building kiangkap hrawng ah zohman vaksuak lo dingin ralrinnak thu an rak suah zo.

Be the first to comment

Leave a Reply

Your email address will not be published.


*