Ralkap In Kaih An Tum Ruangah Mino 5 Cu Inn Par Ihsin An Dawt Ih An Thi, Mino Pakhat A Thih Hlante Ih A Cakuat

Yangon, Botahtaung Township, 44 lamzin kap ih um inndot pakhat ah mino pawl umhmun an khuar. Dalan pawlin an rak theihthup ruangah ralkap hnenah an sim thei.

August 10, 2021 sun ah ralkap tam zet cu meithal le ralthuam kengin an inn cu an va kulh thluh. Cutin, inn sungah an va lutchilh ih tlannak ding an nei nawn lo, ralkap kut ih thih aicun tin inndot sang zet par ihsin an dawp ih an sawh’aw na tuk ruangah mino 5 cu a hmun ah an thi.

Mithi lakah nunau pakhat a telve, inn par ihsin dawp ve lo mino 2 khal ralkap pawlin an kai. Mithi lakah tlangval Maung Kaung Min Thant a tel, a thih hlanah a rualpa thawn an biaaw ih an biakawknak ca cu a rualpa in a tlangthan.

A rualpa in “Dalan pawl an tamtuk” ti a sim thei ih Maung Kaung Min Thant in “In kai asilen neh ding rorin run do uh” a ti.

Maung Kaung Min Thant in “Thu ka ruat tam tuk, kaih ka tong ih ka thi asilen ka hrangah run do sinsin uh. Nan rualpa ih a duhmi rampi zalennak ngah dingin run do uh” a ti. Ram le miphun zalennak ngah dingih zuam rero tu mino 5 cu inndot par ihsin an dawp that ruangah mipi cu riahsia in an um.

Be the first to comment

Leave a Reply

Your email address will not be published.


*