Ralkap In Kalaymyo Ramsung Ih Mi 2 Cu Lamzin Khihhmuhtu Dingah An Hruai Ih Thicia In An Ruak Hmuh A Si

Kalaymyo thlanglam Sii khua (စည်းရွာ) ih puvah pahnih cu September 7 sun ah ralkap pawlin lamzin khihhmuhtu dingah an kai ih an hruai hnuah khuasung mipi pawlin thicia in an ruak an sar.

An khua kiangkap ah ralkap pawl hi an hrang zet, September 7 zinglam ah Kalay (PDF) pawlin Kyauk Phu le Do Nwe khua karlakah bomb an rak kam ih ralkap pawlin an pal puak ruangah ralkap 4 an thi ih 10 lenglo in hliam an tuar.

Kan dung zarh lam khalah ralkap 150 lenglo cu Do Nwe khua kiangkap ah an vakkual vivo ih meithal le bomb an kap ciamco. Khausung inn khal an urkang ih ṭhenkhat cu mipi kilhimtu pawl thawn nan pehtlaihaw tin an kai. Khua 10 hrawng cu mipi pawlin an suahsan zo.

Tuiṭum ih mithi ruak 2 an sar mi khal mipi kilhimtu tin an kai ih lamzin khihhmuhtu dingah an hruai. Hmin tarlang rem ti lo pakhat in “Mithi pakhat cu kum 48 mi U Win Aung le a tupa kum 24 mi hrawng Ko Shin Wunna Aung an si ih September 8 ah an ruak kan sar.

Tuizing ah Do Nwe khua ih umhmun khuar ralkap pawl an tlan zo ti an theih ruangah khuasung mipi cu khua ah an tlungsal. U Win Aung ih ruak cu Do Nwe khua sungah an hmu, a tupa ih ruak cu khuapawn ah an hmu.

An pahnih in an vuakvelhnak hliamhma nasa zet an tuar veve, an ruak cu an khua ah an tlunpi hrih lo. Ralkap pawlin mipi kilhimtu tin an rak kai, mipi kihimtu thawn pehtlaih awknak an nei lo ih khausung mi men an si. Tuizing khalah Tin Thar khua lamah meikhu kan hmu ih an khua sungah ziangthil a thleng ti cu kan thei hrih lo” a ti.

Be the first to comment

Leave a Reply

Your email address will not be published.


*