Ralkap In Kanpetlet Ih An Kaihmi Pawl Cu Mi Pakhat Ah Ting 10 In An Tlenter

Chinram, Kanpetlet ramsung ah ralkap pawlin an kaihmi pawl cu mi pakhat ah ting 10 in an tlenter. Ralkap pawl cu Kanpetlet ramsung ah an hrang zet ih an duhduh in mi an kai ṭheu.

Fangfai, siiti, siivai le ei le in phur pawl khal an rak kai ih an thilri bungrua pawl an laksak. Cuvek dinhmun an si ruangah khua ṭhenkhat ahcun ei le in ding an nei nawn lo.

Khuasung mi pakhat in “Kaih tong pawl ih innsang cu palik sakhan ah an va feh ih sumpai thawn an tlensuak. Mi pakhat ah ting 10 an ti ruangah sumpai an nei daih lo ih ting 5 lawng an pe lawk, a dang ting 5 cu neta ih pek dingah an ti.

Mi an kai ih an thilri bungrua pawl an laksak, minung cu an suahsal vek a si” a ti. Ralkap in Kanpetlet ramsung ah minung 20 lenglo an kai ih sumpai thawn an tlensuahter sal.

An kaihmi 2 cu dothlennak ah an tel ding ti rinhlelnak an neih ruangah an suak har men ding ti zum a si, midang an kaihmi pawl cu sumpai thawn an suah thluh zo. Hitin an kaihmi pawl an suah rero hnuah ralkap pawl cu midang kaih ding hawlin an poksuak.

Be the first to comment

Leave a Reply

Your email address will not be published.


*