Ralkap In “Khuakhat Ah Mino 30 In Pe Uh” An Ti

Yangon Division, Hmawbi ramsung ih um khua pawl hnenah ralkap in, “Khuakhat ah mino 30 in hawlsak uh” tin khua lal pawl hnenah an fial.

Hmawbi ramsung ah khua tam zet an um ih ralkap pawl ih thusuak cu an thehdarh thluh zo, tualsung mi pakhat in “Ralkap pawlin khua lal pawl an ko ih khuakhat ah minung 30 hawlsak dingin an fial, khua lal pawlin veng lal pawl an fial sawng. Hmawbi ramsung ih khua pawl hnenah thu an than thluh zo” a ti.

Kala Kone khua lal U Kyaw Htay cun September 3 ihsin minung arak hawl rero zo. Ralkap in ‘Mino, micakvak deuh an duh thu an sim thei.

Tualsung um mino pakhat in “Kannih cu ralkap kutsung ah kan um thei lo, kan tlan a ṭul. Ralkap kut sungih um kan duh lo” a ti. Ralkap pawlin khuakhat ah mino 30 ciar an hawl hi ralkap ṭuanter dingah maw, zianghrangah ti cu theih a si hrih lo. (#Mizzima)

Be the first to comment

Leave a Reply

Your email address will not be published.


*