Ralkap In KIA Pawl An Ṭih Ruangah Khamawknak Ah Khuasung Minung 17 An Hruai

Kachin ramsung ah KIA le thuneihnak latu ralkap pawl an doaw rero lai. June 5, 2021 sunah Suanpiyam khua ih umhmun khar ralkap 138th Infantry Battalion pawl cu khuadang ih feh ding an si.

Putao Township ih feh ding an si, Putao Township ramsung cu KIA thawn an doawknak tualrawn pakhat a si. Suanpiyam khua ihsin Putao Township cu peng 48 in a hla.

Zinglam nazi 7:00 hrawngah ralkap pawlin Suanpiyam khuabawi le khuasung minung 17 an ko ih thusut ding kan nei, meeting kan neitlang ding tin an hruai.

Motor sungah ralkap le khuasung mipi pawl cu an totlang ter vivo ih Putao Township ah an feh, ralkap motor khal an hmang lo ih khuasung mipi pawl ih motor an hmangsak. Tluangten Putao Township cu an thleng thei ih an thleng veten an hruaimi khuasung minung 17 pawl cu an tlungter sal.

Khuasung mi pakhat in “Thusut ding kan nei in tiih zianghman in sut lo, Putao khua kan thleng veten in tlungter sal. KIA pawl an ṭih ruangah khamawknak in rak hmang ti kan thei” a ti.

Be the first to comment

Leave a Reply

Your email address will not be published.


*