Ralkap In Lo Hnaṭuan Pawl Hnenah Ni Hoihpar (Nicia) Cing Dingin An Fial

Bago Division, Shwe Kyin ramsung ih lo hnaṭuan pawl hnenah ralkap in “Tuikum cu ni hoihpar (nicia) cing uh” tin an fial. Shwe Kyin thlanglam ih um khua pawl cu hanghnah hangrah ih pumcawm aw ṭheu an si.

Ralkap in “Tuikum cu ni hoihpar nan cing ding, zung ah ni hoihpar cii ra la uh” tin an fial. Tualsung mi pakhat in “Ni hoihpar cii lak in fial, ṭhenkhat cu an la duh lo nan ralkap pawl an ṭih ruangah an va la” a ti.

Shwe Kyin thlanglam ih um pawlin an leilet ah ni hoihpar an cing dah lo. An leiram ah mipee, fanghma, dawnfawh (dawnzuk) le hanghnah hangrah pawl an cing ṭheu.

Leilet hnaṭuan pacang pakhat in, “Kan khua kiangkap ih um pawl cun ni hoihpar cii an va la lo. Kan leilet a si ih kan duhduh kan cing thei, kan leiram thawn a milaw mi lawng kan cing ding. Ni hoihpar nan cing ding tin in fial cu lo hnaṭuantu pawl in nehsawh tum a si” a ti.

Be the first to comment

Leave a Reply

Your email address will not be published.


*