Ralkap In Lumbang Khua Ih Lai Meithal An Laksak Thluh

May 25 zanlam ah ralkap pawl cu Falam peng, Lumbang khua ah an feh ih innkhat hnu innkhat an zohdik ih an hmuhmi Lai meithal pawl cu an laksak thluh. Lumbang khua cu Kalaymyo-Falam lamzin ih um a si.

Khua sungih licenses nei Lai meithal pawl khal an laksak thotho. Tualsung mi pakhat in “Himi khua ah Lai meithal nei paziat an um timi cazin thawn an ra ih innkhat hnu innkhat an check ih Lai meithal pawl cu an la vivo. Lai meithal zun 20 hrawng an la, inntek pawl cu thu lawng an sut. Tuizan khal khua ah an riak ding ka zum” a ti.

May 21 ah mipi kilhimtu CNDF pawlin Hakha lam feh tum ralkap motor 2 an rak bawh, Lumbang khua kiangah an rak bawh ih an kapaw ciamco.

Ralbawi pakhat telin ralkap 6 an thi ih ralkap 2 cu hliamhma tuar in an tlansuak thei. Mipi kilhimtu lamah Salai Cungte in ram hrangah a nunnak a hlan. May 21 sun ih thilthleng ruangah ralkap pawl an va cangvai si ding ti an zum.

Be the first to comment

Leave a Reply

Your email address will not be published.


*