Ralkap In Meisa Man Pe Lo Pawl Cu An Meisa An Phit Sak

Thuneihnak latu ralkap pawlin sumpai an nei nawn lo ruangah sumpai ngahdan ding an tawlrel rero. Myanmar ram cu Covid-19 le ralkap nunrawng pawlin an nuai ciamco ruangah nuntu khuasatdan khal a dik thei nawn lo.

October 27 zinglam nazi 11:00 hrawngah ralkap/palik le Electricity ṭuanvo neitu pawl cu Yangon, Insein Township, Phawkan vengsung ah an va lut ciamco ih meisa meter bun lo pawl inn cu meisa an thatsak hluahhlo. Innkhat hnu innkhat ah an lut vivo ih meter neilo inn cu an hringhro hnuah meisa an phitsak.

Tualsung mi pakhat in “Ṭhenkhat lamzinkap ih um meter bawm an ti siat ruangah vengsung ih meisa nei lo khal an um” a ti. Yangon ramsung, ṭhenkhat veng ahcun ralkap pawlin meisa man an dil, meisa man pe lo pawl cu an hringhro ciamco hnuah meisa man an dil.

An pe lo asilen an meisa an thatsak ih meter bawm khal an laksak thu theih a si. (#Covid-19 thlisia a hrang ruangah leitlun ram ṭhenkhat ahcun meisa man an dil’aw nawn lo).

Be the first to comment

Leave a Reply

Your email address will not be published.


*