Ralkap In Metilah Tleirawl An Pawngsual Thuhla Cu An Relfel Hrih Lo, Ralkap In An Thubuai Hlonhlo An Tum

Shan ram, Kutkai Township, Namphatka khua ih phungki tlawnginn sungah ralkap in metilah tleirawl kum 13 mi a pawngsual. Phungki tlawnginn sungah ralkap pawl cu umhmun an khuar.

Metilah tleirawl a pawngsual hnuah phungki upa pawl thawn an biaaw ih sumpai ting 5 in remnak an tuah, cumi hnuah metilah tleirawl cu phungki tlawnginn ihsin an suahter.

Vengsung mi pakhat in “Ziangtik ni ih thilthleng ti cu ka thei nawn lo. An thuthang a putsuak ding ti an phang ruangah ralkap le upa pawl an biaw, an thuthang cu June 10 sun ah a putsuak thotho.

Phungki upabik aum lo sungih thilthleng a si, tutiang ara thleng hrih lo. Thuthang cu a darh zo ih arak thei kem maw ka thei lo, thaisun ah phungki pawl telin meeting an nei tum” a ti.

Ralkap pawlin an thubuai cu hlonho an tum ih tuini tiang an relfel hrih lo thu tuahmawh tongtu innsang lamin an rel, pawngsualtu ralkap cu ralkap kaihkhihnak hmun ah an khum zo tin ralkap pawlin an rel.

An thubuai cu thuṭhennak zung tivek khalah an rel hrih lo, phungki tlawnginn sung lawngah an tongaw khawm ṭheu. June 27 sun ah tualsung upa le ralkap pawl an tongaw ih ralkap lamin “A pawngsual lo, a kut a kai ih a hnam men, metilah khalin a phone a sang” an ti.

Metilah tleirawl in ‘A dik lo’ a ti hnuah ni 2 hnuah tongaw sal dingin an relcat. Asinan, tuini tiang an tongaw hrih lo ih ralkap pawlin an thubuai cu lamzin dangdang in hlonhlo an tum ti a si.

Be the first to comment

Leave a Reply

Your email address will not be published.


*