Ralkap In Mi Bike Mawng Men An Kap Ih A Dunglam Ih To An Kap That, A Tla

Irrawaddy Division, Danubyu Township, Yele Chaung Phya khua ih bike mawng cu ralkap pawlin an rak kap ih pakhat an kap that.

June 5 zan nazi 9:00 hrawngah ralkap pawl cu an khua kiangkap ah duty in an vak, khausung mi pahnih cu bike thawn an phuraw ih innlam ah an tlung. Ralkap pawlin an hmu veten an rak kap ciamco hngal.

Bike dunglam ih to mipa kum 35 mi an kap ngah ih a thi. Vengsung mi pakhat in “Ralkap pawl cu duty in khua an fangkual rero, bike mawng an hmu ih thu khal an sut lo ih an rak kap ciamco hngal ih a dunglam ih to an kap ngah.

An áš­ih tuk ruangah cakpin an tlan ih a dunglam ih to cu a tla. Bike mawngtu khal a hna ah an kap ngah” a ti. Mithi ruang cu June 6 ah a innsang pawlin an la thei.

Be the first to comment

Leave a Reply

Your email address will not be published.


*