Ralkap In Mibawmtu Ta Oxygen Burpi 100 Lenglo An Lonsak, Newspapers Ahcun ‘Kan Sang Lawk’ An Ti

Yangon Charities pawlih Thailand ta oxygen burpi 100 an cah ih ramri kiltu ralkap pawlin an rak lonsak thluh.

Covid-19 damlo pawlin an beisei zet laiah an oxygen a thleng thei lo ruangah an va zingzoi ih ramri kiltu ralkap pawlin an rak lonsak thluh ti an thei.

Karen state, Myawaddy ramri ih ralbawi Colonel Myo Min Naung in “Emergency in kan ṭul tuk ruangah kan sang lawk” tin media hnenah a sim. Asinan, kiangkap um pawlin an sang khal a si lo, meithal thawn an tin ih an lonsak sawn a si an ti.

An thubuai cu a sosang vivo ih oxygen bur an cahnak cu Thailand ta a si, curuangah ralkap pawlin oxygen kuattu Thailand hnenah 800,000 Thai Baht (40 million kyats hrawng) an pe ih oxygen bur an pe lehsal ding thu an tiam.

Be the first to comment

Leave a Reply

Your email address will not be published.


*