Ralkap In Mindat Baptist Biakinn Sungah Zu An In

Chinram sungah thuneihnak latu ralkap pawl an duhduh in an khuasa, Falam peng Taal khua ih Baptist Church sung khalah umhmun an rak khuar zo ih biakinn sung thilri pawl an siatsuah. Bible le hlabu khal biakinn lenglam ah an hlon.

Tualsung mi pakhat in “Biakinn sungah an duh dandan in an um a si ding, biakinn sung cu tuar theih lo ding khopin a rim a sia tuk. Khuasung inn pawl khal an siatsuah ih inn 20 lenglo cu a thar in an saksal a ṭul” a ti. Taal khua ah ni 5 sung an cam ih an vok le ar pawl an thatsak ih an eiral.

Ralkap pawlin Taal khua an siatsuah hi aveihnihnak a si thlang. August 28 zinglam ah Falam Christian Ministers Fellowship (FCMF) ih hohanak in biakinn ti thianhlimnak le Pathian hnenah thlacam apnak an va nei.

Tuiṭum khalah Mindat peng, Chat khua ih Baptist biakinn sungah umhmun an va khuar ih biakinn cu an ti borhbah. “Ralhrang pawl cu Mindat peng, ချပ်​ကျေးရွာ ih Baptist biakinn sungah umhmun an va khuar ih biakinn sungih cabu pawl an siatsuah.

Biakinn sungih thilri bungrua pawl an siatsuah, biakinn sungah zu an in ih an ri. Kawhhran member pawl ih meisa cet khal an ti siatsak” tin Shane Aung Maung in a facebook cahmai ah a tarlang.

Be the first to comment

Leave a Reply

Your email address will not be published.


*