Ralkap In Minkin PDF 57 An Kai

Sagaing Division, Minkin kiangkap ah thuneihnak latu ralkap le mipi kilhimtu PDF pawl an rak doaw rero zo. Dalan pawlin an bum ruangah Minkin PDF 57 cu an kai.

Ralkap uite pawlin “Remawknak kan tuah ding” tin an bum ih khuasung ah an hruai, khuasung an va thleng tikah cun meithal thawn an rak bawhcia thepthep ih an kai.

Minkin PDF hruaitu in, “Taunghpyu khua ah Minkin PDF 57 an kai, ralkap lamtang pawlin remawknak kan tuah ding tin khua sungah an hruai. Kan naule pawlin meithal khal keng loin an va thlun.

Khuasung an thleng tikah cun ralkap lamtang dalan pawlin an rak kai, dalan pawl cu meithal an keng. An kaih hnuah Minkin ih umhmun khuar ralkap pawl an ko ih, lawng thawn an va thleng hngal ih hmun dangah an hruai. Minkin PDF 12 cun an rak zum lo ruangah an thlun lo” a ti.

An kaihmi PDF pawl cu an that thluh pang ding tin mipi in an seherh zet. Hitin an kaih laiah Minkin, Panset ramsung ah ralkap le PDF pawl an kapaw ciamco ih ralkap lam 1 a thi ih hliamtuar 3 an um thu Minkin PDF hruaitu in a rel.

Be the first to comment

Leave a Reply

Your email address will not be published.


*