Ralkap In MinTan Khua An Urkang, Meimittu Khuasung Minung 3 An Kap That

Sagaing, Myaung ramsung ih um MinTan khua cu ralkap pawlin an va nuai ciamco ih an inn le lo an siatsuah sak. An thilri bungrua pawl an laksak, an rannung vulhmi khal an that.

Tuizing October 7, 2021 nazi 10:00 hrawngah ralkap pawl cu motor 7 in MinTan khua sungah an va lut ih khuasung inn an urkang. Innkang thelhmit rerotu minung 3 cu an kap that.

Tualsung mi pakhat in “Inn pawl an siatsuah hnuah khua an urkang, khuasung minung 3 an kap that ti cu kan thei. Midang an kap that le that lo cu kan theifiang hrih lo, khua sungah ralkap pawl an um lai ruangah kan lut ngam hrih lo. An kah thatmi pathum cu kangmei an thelhmit tum ruangah an ti.

Kan tantami caw pawl khal an hruai, khua sungih tlawnginn le phungyi tlawng ah umhmun an khuar lai” a ti. MinTan khua ah inn 600 hrawng aum ih ralkap in inn paziat an urkang ti cu theihfiang a si hrih lo. An khua ihsin meikhu a suak rero lai, khuasung minung zaten ramlakah an tlan thluh.

Be the first to comment

Leave a Reply

Your email address will not be published.


*