Ralkap In Minu Le Fala A Pawngsual

Nikhat hnu nikhat ralkap pawl an sual deuhdeuh, an cangvaihdan khal a rapthlak vivo. Mipi humhimtu ding an si nan mipi tuahmawhtu ah an cang ih an tuahmawh mi pawlin report peknak ding an nei nawn lo.

Shan State, Mantong Township ramsung ih um nunau 2 cu ralkap pakhat in a pawngsual. Nunau kum 26 mi cu minu a si ih fate khal anei zo, pakhat sawn cu fala kum 20 mi a si. Anmah cu Lisu miphun an si, June 14 sunah ramlakah paa an va hawl.

Innsang ei ding paa an hawl rero laiah ralkap thawn an tongaw ih ralkap in meithal in a tin hnuah a hringhro ciamco ih a pawngsual veve. Khua an tlung hnuah an parih thilthleng cu mibawmtu pawl hnenah an sim thei ih hmunhim ah an ret.

Ṭuanvo neitu in “Nunau pawl hrangah a him nawn lo, tuiṭum ih thilthleng ah bawmtu an ṭul tuk” a ti. Mi pawngsualtu ralkap ih hmin, sinak pawl cu an thei lo. June 10 khalah ralkap in Kutkai Township, Namphatka khua ih phungki tlawnginn sungah phungki nunau kum 13 mi a pawngsual thu a darhsuak zo.

Be the first to comment

Leave a Reply

Your email address will not be published.


*