Ralkap In Mipi Kilhimtu 3 An Kai Ih Pahnih Cu Chaungkhuah Tlawnginn Kiangah An Kap That

November 2, 2021 ihsin Kalaymyo kiangkap ah PDF (Kalay) le ralkap pawl an doaw ciamco, kahawknak nasa zet a thleng vivo ding ti an zum ruangah khuasung mipi cu vaksuak hrih lo dingin theihter an si.

An doawknak ah PDF (Kalay) pawl cu CNDF le PKF (ပ.က.ဖအဖွဲ့) in an va bawm. An doawknak ah ralkap lam thi le hliamtuar an tam zet nan an cazin cu theihfiang a si hrih lo, Kalaymyo ralkap siizung ah ralkap ruak 47 a thleng ti cu theih a si.

An doawknak ah mipi kilhimtu pakhat a thi ih bomb puak ruangah khuasung mi pakhat a thi. Hliamtuar 4 an um. Ralkap pawl cu Natchaung khua sungah umhmun an va khuar ih khuasung inn an bauhsiat hnuah thilri bungrua pawl an siatsuah.

November 3 ah mipi kilhimtu PKF sungtel pathum cu ralkap pawlin an kai ih pahnih cu Chaungkhuah tlawnginn kiangah an kap that. Simlam nazi 7:00 hrawngah Min Aung Hlaing naule pawl cu HakhaLay khua ah an va lut ih sualnak neilo khuasung mi 2 an kai ih an hruaisuak thu pawl theih a si.

Be the first to comment

Leave a Reply

Your email address will not be published.


*