Ralkap In Mipi Thinlung Cu Lawngkasa Leknak In An Herh Danglam Tum, Zanvar An Lek Ṭheu

Tulai hi ralkap pawlin thluak an hmang rero lai, mipi pawl ramkhel lam ih lut lo dingin thil a phunphun an tawlrel ih an hlawhtling mi pakhat cu paisa thap ih leknak (lawngkasa) hi a si.

Covid-19 ruangah le ramsung a buai ruangah mipi cu hnaṭuan nei loin an um thluh ih sumluhnak ṭha zet cu lawngkasa leknak hi a si. Magway, Mandalay, Sagaing le Ayeyarwady khuate lamah zalen zet ih lawngkasa leknak an va tuah vivo ih mipi cu an phur zet.

Cozah siannak, theihpinak ih tuah an si ih tibuaitu an nei lo, cun an khua lal hnenah sumpai an pe ṭheu ih an khua lal in a kilkhawi. April thla, Kawl titawih puai hlan ihsin an rak tuah thok zo.

Ahlan ahcun zanlam nazi 5:00 ihsin an thok ih a thaizing khuavang hlan tiang an lek ṭheu. Hnaṭuan le ti ding an neih lo ruangah mipi in lawngkasa lek cu an zoh ringring, tu’ahcun sunzan in an lek ṭheu ih mipi thinlung ah ramkhel aiin lawngkasa thuhla cu an ruat sawn.

Be the first to comment

Leave a Reply

Your email address will not be published.


*