Ralkap In Namkha Khua Cu A Veithumnak An Urkang, Nunau Pawl Pawngsual Dingin Thu An Than Aw

Ralkap pawlin internet le phone line pawl an phit vivo ih a phen ah thil rapthlak zetzet an tuah. September 29 zinglam nazi 11:15 hrawngah ralkap pawl cu Gangaw ramsung Namkha khua ah an va lut ih meithal an kap ciamco.

An inn le lo an siatsuah ih an duhduh thilri bungrua pawl an laksak. Cutin inn cu an urkang, ralkap in Namkha khua hi a veithumnak an urkang.

Tualsung mi in “Khuasung ih inn áš­ha zet 2 khal an urkang, khuasung mipi pawl cu an tlan thluh. Khuasung nunau pawl nan hmuh asilen pawngsual uh tin an simawk lai cu mipi in an rak thei thup. Tu’ahcun an duhduh an tuah thlang” a ti.

An hotu ralbawi in “Khua sungah mi pakhat meithal thawn nan that/kai ngah asilen laksawng ah ting 1 kan lo pe ding” a ti hnuah ralkap pawlin Namkha khua cu an urkang. Namkha khua cu internet an phit-nak khua ah a telve, khua sungah PDF mino pawl hawl vekin an va lut ih khua cu an urkang.

Be the first to comment

Leave a Reply

Your email address will not be published.


*