Ralkap In Nauhak Kum 5 Mi Telin Khuasung Minung 5 An Kap That

Sagaing, Khin Oo Township, Pyindaung khua sungah ralkap pawl an va lut ih an hmuhhmuh an kap ciamco. Khuasung mipi pawlin an ṭih tuk ih an tlan, cumi cu an dawi vivo ih leilet ah sualnak nei lo minung 5 an kap that. Dalan in Pyindaung khua sungah PDF sakhan aum tin thuthang diklo arak sim ruangah October 1, 2021 zinglam ah Pyindaung khua an va nuai ciamco.

Ralkap pawl ih an thatmi pawl cu kum 5 mi nunau nauhak Ma Myo Thandar Hlaing (a pai hmin U Myo Naing), kum 30 mi U Tun Si (a pai hmin U Tun Kyi), kum 28 mi U Aung Oo (pai hmin U Wa), U Pu Cho (pai hmin U Tin Min) le Daw Pu (pai hmin U Tin Aung) pawl an si. Khuasung mi pawlin an ruak cu leilet ah an hmu.

Tualsung mi pakhat in “Nauhak kum 5 mi Ma Myo Thandar Hlaing khal a thi, nauhakte ih pa cu (Kawl) ralkap ṭuan lai a si. A nu cu kan khuami a si, U Tun Si cu a kawng ah an kap ngah ih a thi. U Aung Oo cu a lu ah an kap ngah ih a thi.

Kum 33 mi U Pu Cho cu a pum ah an kap ngah ih a thi. Khualai ih um Ko Zaw Min Oo tei inn khal an urkang, cun an ranvulh mi mee khal an kap that thluh. Dalan in kan khua ah PDF sakhan aum tin a sim ruangah in ra kap ciamco, kan khua ah ziang PDF sakhan hman aum lo” a ti.

Sagaing ramsung ah phone line le internet pawl an phit thluh ih ralkap pawl cu nunrawng zetin an cangvai, khuasung minung pawl a burpin an kap that ṭheu.

Be the first to comment

Leave a Reply

Your email address will not be published.


*