Ralkap In Naupai An Velhnak Ah A Nau A Siat

June 14 ah Yangon Region, Hmawbi Township, Sein Shwe Kone khua ih tlawnginn a kangsiat. Zo in an urkang ti an thei lo, mipi kilhimtu PDF pawlin anmai urkang a si lo thu an phuang zo.

Ralkap pawlin mipi urkang ah an puh ih khuasung mipi pawl cu an vua ih an vel ciamco. Innkhat hnu innkhat thu an va sut vivo ih tlawnginn urkangtu an theihsuah hlanlo khuasung mipi pawl cu an vel vivo tum.

Cumi hnuah lamzawhnak ih tel áš­heu le National League for Democracy (NLD) member pawl an hawl ih minung 40 an kai, cumi lakah naupai pakhat a tel, a naupai cu thla 2 a kim zo. Cet thilri thawn a phone sung an zohsak ih zuk an delete zo mi pawl khal an hawl hmu theisal.

A phone sungah lamzawhnak ih a tel lai zuk pawl an hmu ruangah an vua, an vel ciamco ih a naupai mi a siat. June 16 sun ah naupai cu an suahsal ih damlo bese zetin siizung ah an tuamhlawm, tlawnginn urkangtu cu kaih ngah tengteng an tum ruangah khuasung mipi pawl thu an sut rero lai.

Nauhak tlawng ap lo nulepa pawl khal an vua ih an hrem. Khuasung mino pakhat in “Kan tlan asilen kan innsang, kan nulepa pawl an rak hrem ruangah tlan ka tum lo. Innsung ah ka rak um ih in ra kaih ding caan ka hngak men” a ti.

Be the first to comment

Leave a Reply

Your email address will not be published.


*