Ralkap In Nikhat Ah Mithi Ruak 3,000 Lenglo Urkang Theinak Mei-Cet An Tuah Rero Lai Thu An Phuang

Covid-19 natsia in Myanmar ramsung ah Yangon hi a nuai nasa zet ih nikhat ah mithi 1,000 lenglo an um ṭheu. Yangon ramsung ah mithi ruak urkangnak hmun 3 aum ih an daihaw nawn lo.

Mithi ruak urkang dingin an hngak ringring ih a caan leh a hlawmpin an urkang. Mithi an tamtuk ruangah hnaṭuantu pawl khal an cau zet.

Cuvek dinhmun a si ruangah July 29 zanah ralkap in mithi ruak urkangnak thar mei-cet 10 an tuah thu an phuang. Waterloo Cemetery ah mei cet 5 an tuah rero lai ih nazi pakhat sungah awlsamten mithi ruak 50 cu an urkang thei ding.

Nikhat ah mithi ruak 1,000 cu an urkang thei ding, cuvek thotho in hmun dang khalah, mei cet 10 an tuah rero lai thu MRTV ah an phuang. (#Mithi ruak urkangnak lam ih hnemawk cu a hnangam um lo zet).

Covid-19 thlisia aveithumnak a hrang ciamco ih thla 2 sungah mithi 4,629 zat an um zo tin an phuang cih, asinan a takram ahcun cu aiin an tam sawn tin tualsung ṭuanvo neitu pawlin an rel.

Be the first to comment

Leave a Reply

Your email address will not be published.


*