Ralkap In Paletwa Pastor Pawl Hnenah Bawmnak Sumpai An Pesal (An Rak La Duh Lo Zo), Sumpai Cu Covid-19 Damlo Pawl Bawmnak Ah An Hlu Thluh

Thuneihnak latu, mipi thilri, sumpai laksak rero tu ralkap pawlin Chinram sungih pastor pawl hnenah bawmnak sumpai an pe, mi pakhat ah 18,000 zat ciar an pe. Falam le Hakha pastor pawl khalin an la nan an pe kirsal thluh, Mindat le Paletwa pastor pawl cun mibawmtu pawlkom hnenah an hlu.

Paletwa pastor pawlin an rak la duh lo zo nan ralkap pawlin lak tengteng ṭul vekin an pek sal ruangah an la ih Covid-19 damlo pawl bawmnak hrangah an hlu thluh.

Tualsung mi pakhat in, “Ahlan ah pastor pawlin an rak cohlang lo, an cohlang lo ruangah sumpai cu an la duh lo. Cumi hnuah ralkap pawlin an kosal ih lak tengteng ṭul pungsan in an pek ruangah pastor pawl khalin an la ve mei” a ti.

Ralkap in Paletwa pastor 310 zat hnenah sumpai an pe, a zaten kom in 5,580,000 zat a si. Paletwa siizung hrang meicet le diesel leinak ah tin ting 10 an hlu, Oxygen cet tuahnak ah ting 10, Covid-19 Volunteer hnenah 3,364,000 zat le 216,000 man fangfai, siti, cii le pe pawl an hlu.

Tualsung mi pakhat in, “Paletwa ram cu hmun dang vek a si lo, ei le in phurnak lamzin zaten ralkap in an control thluh. An siannak tel loin zianghman phurlut a ngah lo ruangah bawmnak cu kan cohlang” a ti.

Be the first to comment

Leave a Reply

Your email address will not be published.


*