Ralkap In Pastor Cung Biak Hum An Kap That Hnuah A Kutzung An Tansak Ih Sui Zungbun An Laksak

September 18 zanlam nazi 3:00 hrawngah Thantlang khuasung ah ralkap in meithal le bomb an kap puak ciamco ruangah mipi inn le lo tampi a siatsuah. Inn 19 hrawng a kangral ih ralkap pawlin mipi thilri bungrua pawl khal an laksak.

Cumi innkang pawl thelhmit dingih poksuak Pastor Cung Biak Hum cu market hmaiah ralkap pawlin an rak kap that ih a kutzung an tansak, a kutzung ih sui zungbun cu an laksak (nupi neihnak ih zungbun a si men thei).

Cutin a ruak an soisat hnuah a ruak cu an la nan zanlam nazi 6:30PM hrawng ah JMBC kawhhran upa le pastor pawlin an va la theisal. Pastor Cung Biak Hum cu Thantlang TCBC ah mino pastor ṭuan lai a si.

A nupi hlasakthiam Pi Sui Par thawn fate 2 nei in an khuasa, a nupi hi naupai lai a si ih tui thla asilole hmai thla sungah nau a nei ding. A tanta mi a innsang le kawhhran member pawl Cung Pathian in hnem hram seh.

Be the first to comment

Leave a Reply

Your email address will not be published.


*