Ralkap In “PDF Pawl Nan Meithal Thlah Uh, အလင်းဝင် Uh. Meithal Nan Thlah Lo Asilen Kan Lo Nuaidarh Thluh Ding” Tin Ca An Tar

Myanmar ramsung thuneihnak latu Min Aung Hlaing ih naule pawl cu umngaihnak an thei nawn lo ih an khuaruahnak khal a dik nawn lo.

PDF pawl cu an meithal thlah in surrender dingin an sawm, an meithal an thlah lo asilen an nuai ciamco tum. Cun, mipi hnenah “PDF cangvaihnak pawl in sim uhla laksawng ṭha zet kan lo pe ding” an ti. Ralkap pawlin an casuah mi cu khua ṭhenkhat lamzin kap ah an tar vivo.

Ralkap in “PDF Pawl Theihternak: PDF pawl nan meithal thlah uh, surrender uh. Nan meithal nan thlah lo asilen kan lo nuai ding” an ti. Cun, “Mipi Pawl Theihternak: 2020 kum hrilawknak ah NLD party in vote an fir, vote diklo an tuah ruangah NLD party cu aum thei nawn lo ding.

PDF pawl cu khuasung ah remdaihnak um lo dingin cangvaitu tapung pawlkom an si ruangah an hrampi ihsin kan nuai ding. Thindaiten um duhtu khuasung mipi pawlin PDF thuhla in sim thei uh. Thudik in simtu pawl cu kan lo thup dingih nan phutawk laksawng kan lo pe ding” tin an tarlang.

Be the first to comment

Leave a Reply

Your email address will not be published.


*