Ralkap In Rampi Zalennak Ni (Independence Day) Kan Hmang Ding An Ti

Myanmar ramsung cu nasa zetin a buai rero lai, culaiah ralkap in rampi zalennak ni (Independence Day) avei 74-nak hmang dingin an tawlrel rero lai.

October 12 sun ah Nay Pyi Taw ah meeting an nei ih rampi zalennak ni cu hlunghlai zet ih hman an tum. A ni cu January 4, 2022 ah a si ding, Myanmar ram cu January 4, 1948 kum ah British kuthnuai ihsin zalennak arak ngah.

Cumi theih ringring nak ah kumtinten Zalennak Ni cu an hmang ṭheu. Nay Pyi Taw ih an meeting-nak cu ralkap pawl ih vice president Senior General Soe Win in a kaihruai.

General Soe Win in “Myanmar ram san thuanthu zohsal tikah mipi lungrual lonak ruangah zalennak kan hlo phahphah caan aum. Himi mipi buainak pawl cinfel saktu dingah ralkap hi an um a ṭul tuk,

Mipi lungrual lonak a suak ih zalennak kan hlo tikah ziangtluk in a khaa ti cu hmailam caan mino pawl ih an theih ding khal a thupi tuk. Curuangah Zalennak Ni hi hlunghlai zetin kan hmang ding” a ti. Cun Independence Day ni an hmang tikah Covid-19 daan le dun thawn an hmang ding thu khal a sim.

Be the first to comment

Leave a Reply

Your email address will not be published.


*