Ralkap In Ramsung Cozah Leiram Le Building A Zuar Tum

Myanmar ramsung thuneihnak latu ralkap pawlin sumpai an tlasam thlang ruangah cozah leiram le building pawl an zuar tum thu theih a si.

Cozah leiram le building pawl cu NLD cozah lai ih an rak tawlrelmi pawl a si. Kachin, Tanintharyi, Sagaing, Bago, Mon le Shan ramsung ih cozah leiram le building 22 cu ralkap cozah in an zuar tum rero lai.

NUG cozah in ralkap pawl ih zuar mi cozah leiram pawl cu zohman in rak lei lo dingin forhfialnak anei, leiram man in ralthuam pawl an leisal dingih sualnak nei lo mipi thahnak ah an hmang ding a ti.

Cun, ṭhenkhat leiram cu mipi hrang ding a si ruangah a leitu pawl cu neta ah nan sung leh thei tin forhfialnak anei. Cozah leiram le building umnak pawl cu company tuahnak ah an ṭha zet ruangah ramdang pawlin an lei duh zet ding ti zum a si.

Be the first to comment

Leave a Reply

Your email address will not be published.


*